University of Management and Economics

* ប្រវត្តិកម្មវិធីភាសាអង់គ្លេសទូទៅ

- ឆ្នាំ ២០១០ កម្មវិធីសិក្សាភាសាអង់គ្លេសទូទៅត្រូវបានបង្កើតឡើងដោយលោក ទុន ភក្តី សាកលវិទ្យាធិការ នៃសាកលវិទ្យាល័យគ្រប់គ្រង និង សេដ្ឋកិច្ច ។ កម្មវិធីភាសាអង់គ្លេសទូទៅនេះ គឺជាផ្នែកមួយនៃសាកលវិទ្យាល័យ គ្រប់គ្រង និង សេដ្ឋកិច្ច។ រហូតមកដល់ពេលនេះ បានដំណើរការរយៈពេលជាង ៤ ឆ្នាំមកហើយ ដើម្បីបណ្តុះបណ្តាលសិស្ស និស្សិត នៅក្នងសាកលវិទ្យាល័យ ក៏ដូចជាសិស្សានុសិស្ស មកពីបណ្តាវិទ្យាល័យនានា នៅក្នុងខេត្ត។ លោក ចាន់ សំអាន គឺជានាយកដំបូង របស់កម្មវិធីសិក្សាភាសាអង់គ្លេសទូទៅ នៅដើមឆ្នាំ ២០០៩ ។ នៅពេលដែល លោក ចាន់ សំអាន ត្រូវបានតែងតាំងជា សាកលវិទ្យាធិការរង នៃសាកលវិទ្យាល័យ ដូច្នេះ លោក ទួត រ៉ើន ត្រូវបានតែងតាំង ជានាយកទីពីរ នៃកម្មវិធីសិក្សាភាសា អង់គ្លេសទូទៅ នៅឆ្នាំ ២០១១ ។ ក្រោយមកទៀត លោក គឹម ពិសិដ្ឋ ត្រូវបានតែងតាំងជានាយក កម្មវិធីសិក្សាភាសាអង់គ្លេសទៅ បន្ទាប់ពី លោក ទួត រ៉ើន។ ក្នុងពេលបច្ចុប្បន្ននេះ កម្មវិធីសិក្សាភាសាអង់គ្លេសទូទៅ ស្ថិតនៅ ក្រោមការមើលការខុសត្រូវ ដោយផ្ទាល់ ពី សាកលវិទ្យាធិការនៃសាកលវិទ្យាល័យគ្រប់គ្រង និង សេដ្ឋកិច្ច ។

* ទស្សនវិស័យ

កម្មវិធីភាសាអង់គ្លេសទូទៅ មានទស្សនៈវិស័យចូលរួមជំរុញការអភិវឌ្ឍន៍ប្រទេសជាតិ តាមរយៈ ការអភិវឌ្ឍន៍ធនធានមនុស្ស អោយមាន ចំណេះដឹងផ្នែក ភាសាអង់គ្លេស ច្បាស់លាស់ និង ស្ទាត់ជំនាញ

* បេសកកម្ម

ដើម្បីពង្រឹង និង ពង្រីកសមត្ថភាព សិស្សានុសិស្ស និស្សិត តាមរយៈការផ្តល់ជូននូវគុណភាព និង ឧត្តមភាព ក្នុងការអប់រំ ផ្នែកភាសាអង់គ្លេស ដោយផ្តោតទៅលើជំនាញទាំងបួន ដូចជា ជំនាញនិយាយ ស្តាប់ អាន និង សរសេរ ព្រមទាំង ជំនាញក្នុងការទំនាក់ទំនងប្រកបដោយប្រសិទ្ធភាពខ្ពស់ ។

* គោលបំណងនៃការសិក្សា

គោលបំណងសំខាន់ៗរបស់កម្មវិធីភាសាអង់គ្លេសទូទៅ មានៈ

- បង្រៀនសិស្សានុសិស្ស និស្សិតអោយមានសមត្ថភាពប្រើប្រាស់ភាសា អង់គ្លេសយ៉ាងមានប្រសិទ្ធភាព

- បង្រៀនសិស្សានុសិស្ស និស្សិត អោយមានលក្ខណៈសម្បត្តិគ្រប់គ្រាន់ ក្នុងការធ្វើការងារ

-បង្រៀនសិស្សានុសិស្ស និស្សិត អោយមានសមត្ថភាពក្នុងការទំនាក់ទំនង ប្រកបដោយប្រសិទ្ធភាពខ្ពស់

- បង្រៀនសិស្សានុសិស្ស និស្សិត អោយមានសមត្ថភាព និង ជំនាញច្បាស់ លាស់ក្នុងការបកប្រែភាសាអង់គ្លេស

* រចនាសម្ព័ន្ធ កម្មវិធីភាសាអង់គ្លេសទូទៅ

កម្មវិធីភាសាអង់គ្លេសទូទៅ ត្រូវបានបង្កើតឡើង ដើម្បីជួយជំរុញ ផ្នែកភាសាអង់គ្លេស បន្ថែម ដល់និស្សិត សាកលវិទ្យាល័យ ក៍ដូចជា សិស្សានុសិស្ស នៅតាមវិទ្យាល័យនានាផងដែរ ។ កម្មវិធីសិក្សានេះ ត្រូវបានបង្រៀនតាម សៀវភៅ New English File ដែលបោះពុម្ពនៅទីក្រុង ឡុងដ៍ ប្រទេសអង់គ្លេស ហើយចែកចេញជា ៨ កម្រិត សិក្សា ព្រមទាំងផ្តល់ វិញ្ញាបនបត្រ ៣ ប្រភេទ គឺ ទី១ Pre-Diploma មានចាប់ពី កម្រិត ១ ដល់ កម្រិត ៤ ។ ទី២ គឺ Diploma ចាប់ពីកម្រិត ៥ ដល់ កម្រិត ៦ និង ទី៣ High Diploma មានចាប់ពីកម្រិត ៧ ដល់កម្រិត ៨ ។ កម្មវិធីភាសាអង់គ្លេសទូទៅនេះ ត្រូវបានដឹកនាំដោយ នាយក ១ រូប និង នាយករង ២ រូប ព្រមទាំង បុគ្គលិកមួយចំនួន តាមការចាំបាច់ ។

* កម្មវិធីសិក្សា ភាសាអង់គ្លេសទូទៅ

ល.រ	កម្រិតសិក្សា /Levels	ប្រភេទសៀវភៅ /Books	រយៈពេលសិក្សា /Duration	វិញ្ញាបនបត្រ /Certificates
១	កម្រិត ១	Elementary Part I	៦ ខែ/ ១២០ ម៉	Pre-Diploma
២	កម្រិត ២	Elementary Part II	៦ ខែ/ ១២០ ម៉
៣	កម្រិត ៣	Pre-Intermediate I	៦ ខែ/ ១២០ ម៉
៤	កម្រិត ៤	Pre-Intermediate II	៦ ខែ/ ១២០ ម៉
៥	កម្រិត ៥	Intermediate I	៦ ខែ/ ១២០ ម៉	Diploma
៦	កម្រិត ៦	Intermediate II	៦ ខែ/ ១២០ ម៉	Diploma
៧	កម្រិត ៧	Uper Intermediate I	៦ ខែ/ ១២០ ម៉	High Diploma
៨	កម្រិត ៨	Uper Intermediate II	៦ ខែ/ ១២០ ម៉	High Diploma

* ពេលសិក្សា

ល.រ	ពេល	ច័ន្ទ-សុក្រ	ល.រ	ពេល	ចុងសប្តាហ៍
ល.រ	ពេល	ម៉ោង	ល.រ	ពេល	ម៉ោង
១	ព្រឹក	៦:០០ - ៧:០០	១	ព្រឹក	៦:០០ - ៧:០០
២	រសៀល	១២:០០ - ១:០០	២	រសៀល	១២:០០ - ១:០០
៣	ល្ងាច	៥:០០ - ៦:០០	៣	ល្ងាច	៥:៣០ - ៧:៣០
៤	យប់	៦:០០ - ៧:០០	៤	យប់	៦:០០ - ៨:០០
៥	យប់	៧:០០ - ៨:០០	៥	យប់	៧:០០ - ៨:០០